Упатство › За администратори

Каса

Каса е местото каде што се пресметуваш со вработените и го затвораш денот. Тука ги собираш парите од келнерите (раздолжување), ги следиш фактурите и сервисните пари во фиоката, го правиш крајот на денот со Z извештај, ги прегледуваш, сторнираш и препечатуваш сметките, го гледаш секое бришење одобрено од менаџер и ги средуваш пишанките на вработените.

Каде се наоѓа: Админ → дел Финансии → плочка Каса. Во пребарувањето на админ панелот може да напишеш „каса", „раздолжување", „фиока", „сервисни пари", „Z", „затвори ден", „сторно", „препечат", „пишанки" или „избришани" и ќе те однесе директно на вистинскиот таб.

Екранот има пет таба:

Табот што нема право во твојата улога не се гледа. Ако отвориш таб, адресата на страницата го памети, па освежувањето те враќа на истиот таб. Секој таб може да го закачиш на почетната страна на админ панелот со Закачи веднаш до табовите (види Админ панел — почетна).

Сите табови се во основниот пакет на Тефтер; не бараат посебен модул. Единствено чекорот Незавршени задачи во Крај на ден се гледа само со модул „Поголем профит", а затворањето на повеќе фискални уреди одеднаш бара „Побрза услуга".

Раздолжување

Што е ова и кога го користиш. Раздолжување е пресметката со келнерот на крајот на смената: колку готовина треба да ти предаде, колку наплатил со картичка, колку ставил на фактура и колку има пишанки. Тука гледаш кој колку должи, ги броиш парите, ја запишуваш разликата (вишок или кусок) и го означуваш келнерот како раздолжен. Тука се и фактурите што чекаат наплата и сервисните пари (кусур, ситни набавки).

Каде се наоѓа: Админ → Финансии → Каса → таб Раздолжување.

1. Раздолжување (таб на Каса) — отворениот таб.
2. Печати раздолжување — отвора раздолжен лист за печатење (A4) со сите келнери од списокот подолу. Види Раздолжен лист.
3. Фиока: Авто / Фискален / Термален — избор на кој уред е приклучена фиоката за пари. Изборот се зачувува веднаш, за целиот локал: - Фиока: Авто (стандардно) — ако е вклучен фискален уред, фиоката се отвора преку него; ако не е, преку термалниот печатач. - Фиока: Фискален — секогаш преку фискалниот уред. - Фиока: Термален — секогаш преку термалниот печатач.
4. Отвори фиока — ја отвора фиоката веднаш, без продажба. Долу десно се појавува „Фиоката е отворена" (зелено) или „Фиоката не се отвори" со причината (црвено). Додека се отвора пишува Се отвора….
5. Раздолжување (внатрешен таб) — список на келнерите и колку должат.
6. Фактури — сметки затворени на фактура што чекаат наплата. Види Фактури.
7. Сервисни пари — состојба на фиоката, сервисен влез и излез. Види Сервисни пари.
8. Дневно (По Z) — ги покажува само сметките од последниот Z до сега (тековниот фискален ден). Ако смената продолжи по полноќ, сè останува во истиот ден сè додека не направиш Z. До копчето пишува „Фискален ден (последен Z → сега) · од …" со времето на последниот Z.
9. Сè неподигнато (стандардно) — ги покажува сите сметки што уште не се подигнати, од кој било ден. Ова е стандардниот избор за раздолжувањето да не се „ресетира" среде смена. До копчето пишува „Сите неподигнати сметки · фактури и пишанки за истиот период."
10. Готовина — збир на готовината што келнерите од списокот треба да ја предадат.
11. Вкупно (портокалово) — готовина + картичка.
12. Сметки — колку сметки има вкупно кај келнерите од списокот.

Плочката Картичка (меѓу 10 и 11) е збир на наплатеното со картичка.

Бројките во плочките се однесуваат само на келнерите во списокот подолу и на избраниот период (8 или 9).

Ред за келнер

Секој келнер што има нешто за раздолжување (готовина, картичка, фактура или пишанка различна од 0 ден) е еден ред. Келнер без ниедна сметка не се појавува. Редовите се подредени по готовина, од најголема.

1. Иницијал и точка — зелената точка значи дека келнерот е сè уште најавен (во смена); сивата значи дека се одјавил.
2. Име и број на сметки — на пр. „9 сметки · готовина 5 · картичка 4". Ако келнерот има запишано работно време, до името има ознака со часови (на пр. 5.1 ч).
3. Зелена ознака (пари) — фискална готовина што келнерот треба да ја предаде.
4. Жолта ознака (документ) — збир на сметките затворени на фактура. Се гледа само ако има фактури. Овие пари не ги држи келнерот; фирмата ги плаќа подоцна.
5. Маслинеста ознака (тетратка) — збир на пишанките на келнерот. Се гледа само ако има пишанки.
6. Преглед — отвора детален преглед на келнерот: пресметка, пишанки, фактури и неподигнати сметки. Види Преглед на келнер.
7. Печати — печати кратко раздолжување за овој келнер на термалниот печатач: наслов „РАЗДОЛЖУВАЊЕ", име, број на сметки, часови, готовина, картичка, пишанки, фактура и најдолу ЗА ПРЕДАВАЊЕ. Ништо не означува како подигнато. Сиво е ако келнерот нема ни готовина ни картичка. Додека печати пишува Се печати….
8. Означи подигнато — го означува келнерот како раздолжен: сите негови сметки (готовина и картичка) од избраниот период се означуваат како подигнати и тој исчезнува од списокот. Ако за тој ден уште не си зачувал пресметка, Тефтер сам запишува пресметка без разлика со белешка „Подигнато без пресметка". Сиво е ако нема ни готовина ни картичка.
9. Историја на пресметки — сите зачувани пресметки. Види подолу.
10. Келнер — филтер за историјата.

Портокаловата ознака со картичка, меѓу 3 и 4, го покажува наплатеното со картичка.

Потврда за „Означи подигнато"

Кога е избрано Сè неподигнато, притисокот на Означи подигнато прво прашува, затоа што ги подигнува сметките на келнерот од сите денови.

1. „Ова ќе ги подигне СИТЕ неподигнати сметки на овој келнер (сите денови). Продолжи?"
2. Откажи — ништо не се менува.
3. Потврди — келнерот се раздолжува за сите денови. Пресметките се запишуваат посебно за секој ден на кој има сметки.

Кога е избрано Дневно (По Z), нема прашање: се подигнуваат само сметките од последниот Z до сега, а постарите остануваат.

Историја на пресметки

Картичката Историја на пресметки („Преглед на сите зачувани пресметки по период и по келнер.") е под списокот на келнери.

Притисни на ред за да ја отвориш таа пресметка повторно и да ја поправиш (се отвора истиот прозорец како Преглед, за тој ден). Ако нема ништо: „Нема пресметки за избраниот период."

Преглед на келнер

Преглед на редот на келнерот отвора прозорец „Сметки — име" со опис „Раздолжување — готовина, картичка, пишанки и фактури." Тука ги броиш парите и ги средуваш пишанките.

1. Сметки — име — наслов со името на келнерот.
2. Готовина (зелено) — пресметка за готовината. Ако келнерот има наплатени пишанки, насловот е Готовина (+ пишанки), затоа што и тие пари ги предава. Горе десно × N е бројот на сметки во готовина.
3. Очекувано — колку готовина треба да има според сметките. Кога отвораш стара, веќе зачувана пресметка, тука стои износот од моментот на зачувувањето, за разликата да не се менува.
4. Изброено — внеси колку пари навистина ти дал келнерот.
5. Разлика — се пресметува додека пишуваш: Точно (зелено), +N ден (вишок) (зелено) или −N ден (кусок) (црвено). Пред да внесеш нешто стои „—". Плочката Картичка (портокалово) десно е иста: очекувано, изброено (на пр. збир од извештајот на ПОС терминалот) и разлика.
6. Белешка (опционо) — на пр. „кратко промаче". Enter во ова поле ја зачувува пресметката.
7. Зачувај пресметка — ја зачувува пресметката за овој келнер и денешниот ден. Ако веќе постои, копчето е Ажурирај пресметка. Под копчето пишува „Зачувано датум и време од менаџер". Зачувувањето не го означува келнерот како подигнат; тоа го правиш со Означи подигнато. Празно поле Изброено се зачувува како 0.
8. Пишанки — бројот на пишанки на келнерот, со список: маса, време, производи, износ.
9. Од плата / За наплата — Од плата: пишанки што ќе се одбијат од платата. За наплата: пишанки што келнерот ги плаќа сега (зелено).
10. Готово / Картичка — на секоја пишанка: ја означува како наплатена во готово или со картичка. Тогаш пишанката добива ознака Наплатена, износот се додава на готовината што келнерот ја предава (ако е во готово) и не се одбива од плата. На наплатена пишанка стои „Наплатено · готово" (или „· картичка") и копчето Врати од плата, кое ја враќа во одбивка од плата.

Ако нема пишанки: „Нема пишанки на оваа смена."

1. Фактури — фактурите што ги издал келнерот, со вкупен износ. За секоја: фирма, ЕДБ, маса, износ и ознака Платено (зелено) или Ненаплатено (жолто). Ако нема: „Нема фактури на оваа смена."
2. Прегледај / Печати — ја отвора фактурата во A4 облик (Фактура за печатење); Печати веднаш го отвора и прозорецот за печатење.
3. Неподигнати сметки — сите сметки на келнерот што уште не се подигнати: маса (или „Сметка #N"), датум и време, „· фискална" ако е фискална, начин на плаќање (Готовина, Картичка, Фактура, Комбинирано) и износ. Ако нема: „Нема неподигнати сметки."
4. Печатач — печати копија од сметката на термалниот печатач, означена со „КОПИЈА". Фискалниот уред не печати повторно. Нема прашање, се печати веднаш.
5. Затвори — го затвора прегледот. Зачуваната пресметка останува.

Ако треба да сторнираш некоја од овие сметки, направи го тоа во Историја на сметки.

Кога периодот е Дневно (По Z), пишанките и фактурите во прегледот се само од последниот Z. Кога е Сè неподигнато, се гледаат пишанките од последните 30 дена и фактурите од последните 60 дена.

Фактури

Внатрешниот таб Фактури ги покажува сметките затворени на фактура од последните 30 дена. Фактура е сметка што гостинот (фирма) ја плаќа подоцна, обично на сметка. Додека не се наплати, не е во готовината на келнерот.

1. Сметки на фактура (нефискални) — „Прегледај/печати ја фактурата; обележи „платено" кога ќе се наплати."
2. Ненаплатено — збир на сите фактури што не се платени и не се сторнирани.
3. Статус — Ненаплатено (жолто); Платено · готово / картичка / комбинирано / трансфер (зелено); Сторнирано (црвено). Другите колони: Датум, Фирма (со ЕДБ, или „— (маса N)" ако нема фирма), Маса, Износ.
4. Прегледај — ја отвора фактурата во A4 облик во нов прозорец.
5. Печати — исто, но веднаш се отвора и прозорецот за печатење.
6. Плати — ја наплатува фактурата. Се гледа само кај ненаплатените. Види подолу.
7. Сторно — ја сторнира фактурата. Се гледа кај сите што не се веќе сторнирани.

Ако нема ниедна: „Нема фактури во последните 30 дена."

Наплати фактура

1. Наплати фактура — „Вкупно: N ден. Готово/картичка печатат фискална сметка; трансфер не е фискален приход."
2. Готово (стандардно) — фирмата плаќа во готово; се печати фискална сметка.
3. Картичка — плаќа со картичка; се печати фискална сметка.
4. Трансфер — плаќа на банкарска сметка. Се појавува „Банкарски трансфер — не се печати фискална сметка."
5. Откажи — ништо не се менува.
6. Наплати — ја означува фактурата како платена (и печати фискална сметка за готово/картичка). Додека трае пишува Се наплаќа…. Фактурата останува во списокот со статус Платено · …. Ако некој друг веќе ја наплаќа истата фактура, ќе пишува „Наплатата на оваа фактура веќе се печати — почекајте."; ако е веќе платена: „Фактурата е веќе наплатена".

Сторнирај фактура

1. Сторнирај фактура — „Фактура број · фирма · износ. Ќе се означи како сторнирана."
2. За фактура која не е платена фискално пишува „Без фискална сметка — само се означува како сторнирана." Ако фактурата е платена фискално (готово или картичка), наместо тоа има поле за штиклирање Поништи ја и фискалната сметка (стандардно вклучено): „Оваа фактура е платена фискално. Ова печати законско фискално сторно на уредот. Не може да се врати." Ако го исклучиш, фактурата се сторнира само во Тефтер, без сторно на уредот.
3. Причина (по избор) — до 120 знаци, на пр. „погрешен купувач, откажана нарачка".
4. Откажи — ништо не се менува.
5. Сторнирај — фактурата добива статус Сторнирано и повеќе не се брои ниту во ненаплатени ниту во прометот. Ако фискалното сторно не успее, пишува „Фискалното сторно не успеа: …" и фактурата останува како што била.

Фактура за печатење

1. Печати / Зачувај PDF — го отвора прозорецот за печатење. Таму може да избереш печатач или „Зачувај како PDF".
2. Затвори — го затвора прозорецот со фактурата.
3. Сметка на фактура — број на фактурата, датум и состојба: ПЛАТЕНО · начин, СТОРНИРАНО или „Издадено — ненаплатено". Десно се податоците на твојот локал (име, ЕДБ).
4. Купувач — фирма, ЕДБ и адреса. Подолу: ставки (Опис, Кол., ДДВ%, Износ), Основица (нето), ДДВ по стапка, Вкупно ДДВ, ВКУПНО, и места за потпис Издал и Потпис на купувач.
5. „Нефискален документ · за сметководство" — фактурата не е фискална сметка.

Сервисни пари

Внатрешниот таб Сервисни пари е за парите што влегуваат во фиоката или излегуваат од неа без продажба: ситно за кусур наутро, плаќање на доставувач, ситна набавка. Тука гледаш и колку пари треба да има во фиоката во секој момент.

1. Фиока сега — „Од последниот Z (датум и време)." Се освежува сама на секои 30 секунди.
2. Треба да има во фиоката — колку пари треба да има во фиоката токму сега: сервисен влез − сервисен излез + готовината што келнерите веќе ја предале.
3. Сервисен влез — збир на сите сервисни влезови од последниот Z.
4. Сервисен излез — збир на сите сервисни излези од последниот Z (со минус).
5. Готовина предадена (раздолжено) — готовина од сметки што е веќе подигната од келнерите.
6. Готовина кај келнерите (посиво) — готовина од сметки што келнерите уште ја држат (не се раздолжени).
7. Кога сите ќе се раздолжат: N ден (сервисни пари X + готовина од сметки Y) — колку ќе има во фиоката откако сите келнери ќе се раздолжат.
8. Сервисен влез на пари — „Пари ставени во касата надвор од продажба (на пр. ситно за кусур на почеток)." Полиња Износ и Причина.
9. Регистрирај влез — го запишува влезот во фискалниот уред и во Тефтер. Сиво е додека износот не е поголем од 0. Додека трае пишува Праќам…. Под копчето се појавува резултат: зелено (успешно), сиво Не поддржано (уредот не го поддржува ова) или црвено со пораката и кодот на грешката.
10. Сервисен излез на пари — „Пари извадени од касата (на пр. промена, плата, ситна набавка)." Полиња Износ и Причина.
11. Регистрирај излез — исто како влез, но за излез.

Полињата не се бришат по запишувањето; пред следен влез или излез избриши го стариот износ.

1. Историја на сервисни пари — „Влезови и излези од последниот Z. Избери датуми за постар период." Секој ред: Влез или Излез · причина, датум и време, кој го запишал, и „· без фискален" ако не е запишан во фискалниот уред. Износот е зелен (+) за влез, жолт (−) за излез.
2. Од — почетен датум за постар период.
3. До — краен датум. Кога ќе избереш датум, се појавува копчето Од последниот Z, кое те враќа на стандардниот приказ.
4. „Нема сервисни влезови или излези." — се гледа кога во периодот нема ниеден влез или излез. Кога има, наместо оваа порака е списокот, а најдолу ред Вкупно: влезови минус излези за прикажаниот период.

Раздолжен лист за печатење

Печати раздолжување (горе десно) отвора раздолжен лист за целата смена во нов прозорец. Листот ги содржи истите келнери и истиот период што ги гледаш на екранот.

1. Печати / Зачувај PDF — прозорец за печатење (A4). Копчињата горе не излегуваат на хартијата.
2. Раздолжен лист — наслов; десно датумот или „По Z · од …" ако е избрано Дневно (По Z).
3. Готово Ф — фискална готовина по вработен. Другите колони: Вработен (со „(најавен)" ако е сè уште во смена), Саати.
4. Ф-ра — фактури.
5. Пишанки — пишанки. Следат Карт (картичка) и Вкупно по вработен, и ред Вкупно за сите.
6. Смена одговорен — место за потпис на одговорниот за смената.
7. Менаџер — место за потпис на менаџерот. Над потписите има ред Забелешка: за рачна белешка.

Ако го отвориш листот без претходно да притиснеш Печати раздолжување, пишува „Нема податоци. Отвори го „Печати раздолжување“ од Каса екранот."

Крај на ден

Што е ова и кога го користиш. Водич за затворање на денот, чекор по чекор: маси, раздолжување, X извештај, задачи и на крај Z извештај. Работниот ден трае од последниот Z до следниот, без разлика на полноќ. Чекорите само предупредуваат; ништо не те спречува да направиш Z, освен правилото на фискалниот уред дека Z се прави еднаш на ден.

Каде се наоѓа: Админ → Финансии → Каса → таб Крај на ден. Во пребарувањето: „Z", „затвори ден", „крај на ден".

1. Опис — „Работен ден отворен од последното Z: датум и време", или „Затворање на работниот ден чекор-по-чекор." ако времето не е познато.
2. 1 Затвори ги сите маси — проверува дали има отворени маси (отворените хотелски соби не се бројат). Ако нема: „Нема отворени маси." Ако има: „Има N отворен(и) маси. Затвори ги пред да го завршиш денот." Списокот се освежува сам на секои 15 секунди.
3. Ознака на чекорот — Во тек (жолто), Готово (зелено; бројот на чекорот станува зелено штиклирање) или Опционално.
4. Освежи — веднаш проверува повторно.
5. 2 Раздолжување по келнер — келнерите со неподигната готовина или картичка (од сите денови). Ако нема: „Сите келнери се раздолжени." Ако немаш право Каса: „Немаш пристап до „Каса“ — раздолжувањето го прави некој со тој пристап."
6. N келнер(и) за раздолжување · Готовина вкупно — колку келнери и колку вкупно готовина. Под тоа за секој келнер: име, готовина и картичка.
7. Подигни — го означува келнерот како раздолжен, исто како Означи подигнато во табот Раздолжување, за сите неподигнати денови. Внимание: тука нема прашање за потврда; се подигнува веднаш. Ако сакаш прво да ги изброиш парите, направи го тоа во Раздолжување → Преглед.
8. 3 X извештај (преглед, опционално) — „Печати дневен преглед без затворање — не го нулира денот."
9. Печати X — фискалниот уред печати X извештај (пресек на прометот досега). Денот останува отворен. Под копчето се појавува порака од уредот (зелено) или грешка (црвено).

1. 4 Незавршени задачи (чек-листи) — само со модул „Поголем профит". Проверува дали денешните чек-листи се завршени. Ако се: „Сите задачи завршени."
2. „N незавршена(и) чек-листа(и) денес. Не го блокира Z — препорачано е да се проверат."
3. Чек-листа — име, „N/M ставки", кому е доделена и „без рок" ако нема рок. Под списокот Освежи.
4. Z извештај — дневно затворање — последниот чекор (5, или 4 без „Поголем профит").
5. Предупредување — „Има отворени маси или нераздолжени келнери. Препорачано е прво да ги завршиш." или „Има незавршени задачи. Препорачано е да се проверат (не го блокира Z)." Кога сè е во ред: „Сè е спремно. Z го затвора фискалниот ден и го предава прометот на УЈП."
6. Направи Z (затвори ден) (црвено) — фискалниот уред печати Z извештај и го затвора фискалниот ден. Нема прашање за потврда — Z се прави веднаш по притисокот. Z не може да се врати и се прави еднаш на ден. Додека трае се врти иконата. По успешен Z, чекорот станува Готово со „Дневното затворање е направено денес. Следно — утре." Ако уредот одбие, грешката се гледа црвено под копчето.

Повеќе фискални уреди. Ако имаш модул „Побрза услуга" и повеќе од еден вклучен фискален уред, копчето е Направи Z на сите уреди (N). Под него се појавува резултат за секој уред: ✓ (успешно), — (прескокнат, на пр. Z веќе направен) или ✗ со причина. Ако некој уред не успее: „Денот НЕ е затворен на уредите со ✗ — поправи и кликни пак (успешните се прескокнуваат)." Денот се смета затворен дури кога сите уреди ќе направат Z.

Кога масите се затворени, келнерите раздолжени и Z е направен, најдолу се појавува зелена картичка „Денот е затворен. Маси затворени · келнери раздолжени · Z направено."

Историја на сметки

Што е ова и кога го користиш. Сите наплатени сметки по датум. Тука бараш сметка (по маса, келнер, сериски број), ја гледаш што содржела, печатиш копија, ја префрлаш на друг келнер или ја сторнираш.

Каде се наоѓа: Админ → Финансии → Каса → таб Историја на сметки. Во пребарувањето: „сторно", „препечат", „историја на сметки".

1. „Сите фискални сметки во избраниот период." Покрај фискалните, во списокот се секогаш и сметките на фактура.
2. Од — почетен датум. Стандардно денес.
3. До — краен датум. Стандардно денес.
4. Денес — од и до денес.
5. Вчера — од и до вчера.
6. Последни 7 дена — од пред 7 дена до денес.
7. Овој месец — од први во месецот до денес.
8. Резултати — „N сметки · вкупен износ".
9. Готовина — збир и број на сметки во готовина. До неа Картичка.
10. Фактура — се гледа само ако има сметки на фактура. Слично, Комбинирано се гледа само ако има сметки платени дел готово, дел картичка.
11. Вкупно — сите сметки во периодот.

Списокот ги менува бројките штом ќе смениш датум. Ако нема ништо: „Нема сметки во избраниот период."

Табела на сметки

Колони: Време, Маса (или „№N" за брза храна, или ознака за носење), Келнер, и:

1. Плаќање — Готовина (зелено), Картичка (портокалово), Фактура (жолто), Комбинирано.
2. Попуст — име на попустот и износ (на пр. „Happy hour −50 ден"), „Ваучер −N ден", или „—".
3. SR# — сериски број на фискалната сметка од уредот (на пр. #18), или „—" ако сметката не е фискална.
4. Статус — Фискална, Нефискална, СТОРНО на #N (жолто; редот е жолтеникав и износот е жолт; ова е самата сторно сметка) или Сторнирано со #N (оригиналот што е сторниран; редот е избледен). Последната колона е Износ.
5. Око — Преглед на сметка.
6. Печатач — Печати копија.
7. Стрелки — Префрли кон друг келнер. Сиво кај сторно сметките („Сторно сметките не се префрлаат").
8. X (црвено) — Сторнирај сметка. Сиво кај сторно сметка („Не може да се сторнира сторно сметка") и кај веќе сторнирана („Веќе сторнирана").

Преглед на сметка

1. Сметка #N — сериски број (или број во Тефтер), под него датум и време.
2. Плаќање — Готовина или Картичка. Над него Маса и Келнер.
3. Тип — Фискална #N, Нефискална или Сторно.
4. Ставки — Кол., Производ (со белешката под името; опциите се посиви), Цена, Износ.
5. Вкупно — износ на сметката.
6. Затвори — го затвора прегледот. Прегледот не печати ништо и ништо не менува.

Печати копија

1. Печати копија — наслов на прозорецот.
2. „Копија од сметката се печати на термалниот печатач, означена со „КОПИЈА", со оригиналното време и времето на препечатување. Не го активира фискалниот уред." Под тоа се податоците: Сметка, Маса, Износ, Тип.
3. Откажи — ништо не се печати. Десно е Печати копија: ја печати копијата и долу се појавува „Копијата е испечатена".

Ако админ панелот не е отклучен (на пр. екранот е отворен преку бекофис), во прозорецот се бара и Админ код.

Префрли сметка кон друг келнер

Кога келнерот наплатил на туѓа маса или се најавил под погрешно име, сметката може да се префрли на вистинскиот келнер, за раздолжувањето да биде точно.

1. Префрли сметка кон друг келнер — „Готовината/картичката од оваа сметка се префрла во раздолжувањето на избраниот келнер."
2. Сметка, Тековен келнер, Износ.
3. Нов келнер — избери од активните вработени („Избери келнер…").
4. Откажи — ништо не се менува.
5. Префрли — сметката оди кај новиот келнер. Сиво е додека не избереш келнер.

Ако сметката е веќе подигната, пишува жолто: „Внимание: сметката е веќе подигната (раздолжена). Префрлањето ќе ја премести и кај новиот келнер како подигната."

Сторнирај сметка

1. Сторнирај сметка.
2. За фискална сметка: „Фискалниот принтер ќе испечати контрапризнаница (сторно) и сметката ќе биде запишана во дневниот Z извештај." За нефискална: „Нефискалната сметка ќе биде означена како сторнирана само во касата."
3. Маса, Износ, Тип.
4. Откажи — ништо не се менува.
5. Сторнирај (црвено) — го прави сторното. По сторното, во списокот се појавува нова сторно сметка (СТОРНО на #N), а оригиналот добива Сторнирано со #N. Износот се одзема од келнерот и од прометот.

Ако админ панелот не е отклучен, во прозорецот се бара Админ код (или картичка). Сметките на фактура не се сторнираат тука, туку во Раздолжување → Фактури → Сторно.

Избришани од админ

Што е ова и кога го користиш. Секоја ставка избришана од отворена маса со одобрување на менаџер (админ код или картичка) се запишува тука. Тука проверуваш кој што избришал, кога, на која маса и со чиј код, за да нема „исчезнати" пијалоци.

Каде се наоѓа: Админ → Финансии → Каса → таб Избришани од админ. Во пребарувањето: „избришани", „бришење".

1. Избришани од админ — „Ставки избришани со админ одобрување во избраниот период."
2. „N бришења · износ" — колку бришења и колку вредат.
3. Период — исто како во Историја на сметки (Од, До, Денес, Вчера, Последни 7 дена, Овој месец). Стандардно денес.

Колони во табелата:

Ако нема: „Нема бришења во избраниот период." Ова е само преглед; тука ништо не се менува.

Пишанки

Што е ова и кога го користиш. Пишанка е потрошувачка на вработен запишана на него (кафе, оброк, пијалок), наместо да се наплати. Стандардно се одбива од плата; при раздолжување може да се наплати веднаш (види Преглед на келнер). Тука ги гледаш сите пишанки по период и ги поправаш.

Каде се наоѓа: Админ → Финансии → Каса → таб Пишанки.

1. „Пишанки на вработени во избраниот период." Периодот се бира исто како во Историја на сметки (стандардно денес).
2. „N пишанки · износ".
3. Вработен — на кого е запишана. Лево Време и масата од која е.
4. Производи — што е запишано (на пр. „2× Кафе").
5. Препечати — ја печати пишанката повторно на термалниот печатач. Долу: „Испратено на печатач".
6. Пренасочи — ја префрла на друг вработен. Види подолу.
7. Поништи — ја поништува. Види подолу.

Ако нема: „Нема пишанки во избраниот период."

Пренасочи пишанка

1. Пренасочи пишанка.
2. „Моментално на име · износ. Избери нов вработен." Под тоа има копче за секој вработен; избраниот е портокалов.
3. Откажи — ништо не се менува. Десно е Пренасочи (сиво додека не избереш); по успех: „Пишанката е пренасочена".

Поништи пишанка

1. Поништи пишанка.
2. „Пишанката на име (износ) ќе се поништи и нема да се одбие од плата. Залихата не се враќа."
3. Откажи — ништо не се менува. Десно е Поништи (црвено); по успех: „Пишанката е поништена".

Чести ситуации и совети

Келнерот заборавил да се раздолжи, а веќе е утре. Во Раздолжување остави Сè неподигнато. Келнерот е во списокот со сите стари и нови сметки. Отвори Преглед, изброј ги парите, Зачувај пресметка, па Означи подигнато и Потврди. Пресметката се запишува посебно за секој ден.

Сакам да го раздолжам само за денешната смена, а вчерашното да остане. Избери Дневно (По Z) пред Означи подигнато. Се подигнуваат само сметките од последниот Z.

Парите не се совпаѓаат. 1. Раздолжување → Преглед кај келнерот. 2. Внеси го изброеното во Изброено (готовина и картичка). 3. Разликата се гледа веднаш (вишок или кусок). Напиши белешка и Зачувај пресметка. 4. Провери ги Неподигнати сметки во истиот прозорец; ако некоја сметка е на погрешен келнер, префрли ја во Историја на сметки → стрелките. 5. Подоцна разликата ја гледаш во Историја на пресметки.

Сметката ја наплатил еден келнер, а масата била на друг. Историја на сметки → најди ја сметката → стрелките → избери го вистинскиот келнер → Префрли.

Гостинот бара копија од сметката. Историја на сметки → печатачот на редот → Печати копија. Фискалниот уред не печати втора фискална сметка; копијата е на термалниот печатач со ознака „КОПИЈА".

Грешно наплатена сметка (погрешен производ или износ). Историја на сметки → X на редот → Сторнирај. Фискалниот уред печати сторно, а сметката се одзема од прометот и од келнерот. Потоа наплати ја масата повторно, правилно.

Фискалниот печатач не печати сторно / Z / X. Пораката од уредот се гледа црвено во прозорецот или под копчето. Провери дали уредот е вклучен, дали има хартија и дали лентата за фискалниот уред најгоре на екранот е зелена. Подесувањата се во Фискална и сметки. Ако уредот не одговара, не притискај повеќе пати по ред; почекај неколку секунди и пробај еднаш.

Сакам наутро да ставам ситно за кусур. Раздолжување → Сервисни пари → Сервисен влез на пари → внеси износ и причина (на пр. „ситно за кусур на почеток") → Регистрирај влез. Износот се додава во Фиока сега.

Платив доставувач од фиоката. Сервисни пари → Сервисен излез на пари → износ, причина (на пр. „доставувач за леб") → Регистрирај излез. Ако доставувачот носи и фактура, внеси ја и во Набавка.

Колку пари треба да има во фиоката сега? Сервисни пари → Фиока сега → Треба да има во фиоката. Тоа се сервисните пари плус готовината што келнерите веќе ја предале. Готовината што ја држат келнерите е посебно, во Готовина кај келнерите.

Фирмата ја плати фактурата на сметка. Раздолжување → Фактури → Плати на фактурата → Трансфер → Наплати. Не се печати фискална сметка.

Фирмата дојде да плати фактурата во готово. Фактури → Плати → Готово → Наплати. Фискалниот уред печати фискална сметка за износот на фактурата.

Фиоката не се отвора. Пробај Отвори фиока. Ако пишува „Фиоката не се отвори", провери на кој уред е приклучен кабелот на фиоката и избери го истиот во Фиока: Фискален или Фиока: Термален.

Сакам да ја затворам смената, а има уште една отворена маса. Во Крај на ден чекорот 1 ќе покажува колку маси се отворени. Наплати ги или затвори ги од екранот со маси, па притисни Освежи. Z може да се направи и со отворена маса, но тогаш таа маса ќе влезе во прометот на следниот ден.

Случајно ја притиснав „Направи Z". Z не може да се врати. Денот е затворен на фискалниот уред; следните сметки се за новиот ден. Раздолжувањето не е засегнато: неподигнатите келнери остануваат во Сè неподигнато.

Вработен си зел кафе, а не е запишано на него. Пишанката се внесува од екранот за нарачка (упатство за келнери). Ако е запишана на погрешен вработен, тука во Пишанки → Пренасочи. Ако е запишана по грешка, Поништи.

Вработениот сака да ја плати пишанката сега, а не од плата. Раздолжување → Преглед кај вработениот → на пишанката притисни Готово (или Картичка). Износот се додава во готовината што ја предава. Ако се премисли, Врати од плата.

Сомневам дека некој брише ставки од масите. Избришани од админ → Овој месец. Гледаш кој внел, кој избришал, со чиј код и со која причина. Ставка со ознака испратено била веќе направена во кујна или бар.

Поврзано

• Админ панел — почетна
• Извештаи и трошоци
• Вработени (права на улоги, работно време)
• Фискална и сметки
• Принтери и рутирање
• Уреди и картички (одобрување со картичка)
• Набавка